രേഖകളില്ലാതെ കടത്തിയ രണ്ട് കിലോ സ്വർണാഭരണം പിടികൂടി

കുഴൽമന്ദം (പാലക്കാട്): കെ.എസ്.ആർ.ടി.സി ബസിൽ രേഖകളില്ലാതെ കടത്തിയ രണ്ട് കിലോ സ്വർണം എക്സൈസ് പിടികൂടി. കുഴൽമന്ദം എക്സൈസ് റേഞ്ച് ഇൻസ്പെക്ടറും സംഘവും ദേശീയപാത ചിതലി അഞ്ചുമുറി ജങ്ഷനിൽ നടത്തിയ വാഹന പരിശോധനയിലാണ് രേഖകളില്ലാതെ ബംഗളൂരുവിൽനിന്ന് തൃശൂരിലേക്ക് കടത്താൻ ശ്രമിച്ച രണ്ട് കിലോ സ്വർണാഭരണം പിടിച്ചത്. 50 ലക്ഷം രൂപ വിലവരും. രാജസ്ഥാൻ സ്വദേശി ആധാറാം ചൗധരി പിടിയിലായി. ബംഗളൂരുവിൽനിന്ന് പാലക്കാട് വരെ ട്രെയിനിൽ വന്ന ഇയാൾ പാലക്കാട്ടുനിന്നാണ് ബസിൽ കയറിയത്. തുടർ നടപടികൾക്കായി വിൽപനനികുതി വിഭാഗത്തിന് കൈമാറി. കഴിഞ്ഞ മാസവും ഇതേ രീതിയിൽ കടത്തിയ 5.596 കിലോ സ്വർണം കുഴൽമന്ദം എക്സൈസ് പിടികൂടിയിരുന്നു. കുഴൽമന്ദം എക്സൈസ് റേഞ്ച് ഇൻസ്പെക്ടർ ഉദയകുമാർ, പ്രിവൻറിവ് ഓഫിസർ സെയ്ദ് മുഹമ്മദ്, സുരേഷ് കുമാർ, മുഹമ്മദ് റിയാസ്, സിവിൽ എക്സൈസ് ഓഫിസർമാരായ സതീഷ് കുമാർ, മധു, രമേഷ്, സ്മിത, ഡ്രൈവർ രാധാകൃഷ്ണൻ എന്നിവരാണ് പരിശോധന നടത്തിയത്. pg2 പിടികൂടിയ സ്വർണാഭരണങ്ങളും പ്രതി ആധാറാം ചൗധരിയും