ബി.എം.എസ്​ ജില്ല സമ്മേളനം: പട്ടാമ്പിയിൽ ഗതാഗത ക്രമീകരണം

പട്ടാമ്പി: ശനിയാഴ്ച പട്ടാമ്പിയിൽ ബി.എം.എസ് ജില്ല സമ്മേളനത്തോടനുബന്ധിച്ച് ഉച്ചക്ക് 2.30 മുതൽ നഗരത്തിൽ ഗതാഗത ക്രമീകരണം ഉണ്ടായിരിക്കും. പാലക്കാട്-ഗുരുവായൂർ ബസുകൾ കുളപ്പുള്ളിയിൽനിന്ന് തിരിഞ്ഞ് ചെറുതുരുത്തി വഴി കൂട്ടുപാത വന്ന് പോകണം. ഗുരുവായൂർ-പാലക്കാട് വാഹനങ്ങൾ കൂട്ടുപാതയിൽനിന്ന് തിരിഞ്ഞ് ചെറുതുരുത്തി വഴി കുളപ്പുള്ളി വന്ന് പോകണം. പാലക്കാട്-പട്ടാമ്പി, ഷൊർണൂർ-പട്ടാമ്പി ബസുകൾ സേവന ഹോസ്പിറ്റലിന് മുൻവശം യാത്ര അവസാനിപ്പിച്ച് തിരിച്ച് പോകേണ്ടതും സേവന േഹാസ്പിറ്റൽ ജങ്ഷനിൽനിന്ന് യാത്ര തുടങ്ങേണ്ടതുമാണ്. പെരിന്തൽമണ്ണ, വളാഞ്ചേരി ഭാഗങ്ങളിൽനിന്ന് പട്ടാമ്പിയിലേക്ക് വരുന്ന വാഹനങ്ങൾ പെരിന്തൽമണ്ണ റോഡിൽ ഹൈസ്കൂളിന് മുന്നിൽ യാത്ര അവസാനിപ്പിച്ച് തിരിച്ചുപോകണം.പെരിന്തൽമണ്ണ ഭാഗത്തുനിന്ന് തൃശൂർ വരെ പോകുന്ന വാഹനങ്ങൾ തൃത്താല കൊപ്പത്തുനിന്ന് തിരിഞ്ഞ് വെള്ളിയാങ്കല്ല്-തൃത്താല വഴി പോകണം. തിരിച്ച് തൃശൂർ ഭാഗത്തേക്കുള്ള വാഹനങ്ങൾ കൂറ്റനാട്-തൃത്താല-വള്ളിയാങ്കല്ല് വഴി തിരിഞ്ഞുപോകണം.