കുടുംബശ്രീ പിടിച്ചടക്കാൻ ജില്ല മിഷൻ ഉദ്യോഗസ്ഥരുടെ ഒത്താശയോടെ ശ്രമമെന്ന്

തേഞ്ഞിപ്പലം: ഗ്രാമപഞ്ചായത്ത് കുടുംബശ്രീ, ഭരണത്തി‍​െൻറ തണലിൽ ജില്ല മിഷൻ ഉദ്യോഗസ്ഥരെ ഉപയോഗപ്പെടുത്തി ഹീനമാർഗത്തിലൂടെ പിടിച്ചെടുക്കുന്നതിനുള്ള ശ്രമമെന്ന് പഞ്ചായത്ത് പ്രസിഡൻറ് സഫിയ, സി.ഡി.എസ് പ്രസിഡൻറ് ശരീഫ എന്നിവർ വാർത്തക്കുറിപ്പിൽ അറിയിച്ചു. പഞ്ചായത്തിലെ മൂന്നാം വാർഡിൽ നിന്നുള്ള വ്യാജ പരാതിയുടെ അടിസ്ഥാനത്തിൽ ഇടത് മെംബർമാരുടെ ഒത്താശയോടെ പഞ്ചായത്ത് ഓഫിസിലെ ജീവനക്കാരെ ബന്ധിയാക്കുകയും സി.ഡി.എസ് ഓഫിസിൽ കയറി ഇടത് മെംബർമാരുടെ സഹായത്തോടെ ഫയലുകൾ പരിശോധിച്ച് തങ്ങൾക്കനുകൂലമല്ലാത്ത അയൽക്കൂട്ടങ്ങളുടെ അഫിലിേയഷൻ ഫോറവും മറ്റ് രേഖകളും കൈവശപ്പെടുത്തുകയും ചെയ്തു. കുടുംബശ്രീ ഓഫിസ് ജീവനക്കാരിയെയും സി.ഡി.എസ് പ്രസിഡൻറിനെയും കൈയേറ്റം ചെയ്യുകയും ചെയ്തതായും ഇവർ പറഞ്ഞു. തങ്ങൾക്ക് അനുകൂലമല്ലാത്ത അയൽക്കൂട്ടങ്ങളുടെ അംഗീകാരം റദ്ദാക്കുന്നതിനുള്ള ഹീനശ്രമത്തി‍​െൻറ ഭാഗമായാണിത്. അയൽക്കൂട്ട മെംബർമാർ ശക്തമായി പ്രതിഷേധിച്ചതി‍​െൻറ അടിസ്ഥാനത്തിൽ ഉദ്യോഗസ്ഥന്മാർ പിന്മാറുകയായിരുന്നു. ഓഫിസിൽനിന്ന് നഷ്ടപ്പെട്ട രേഖകൾ തിരിച്ച് ലഭ്യമാക്കണമെന്നാവശ്യപ്പെട്ട് സി.ഡി.എസ് പ്രസിഡൻറ് ബന്ധപ്പെട്ടവർക്ക് പരാതി നൽകി. നല്ലരീതിയിൽ പ്രവർത്തിക്കുന്ന കുടുംബശ്രീ, ഭരണത്തി‍​െൻറ ഒത്താശയോടെ പിടിച്ചടക്കാനുള്ള ഇത്തരം പ്രവർത്തനങ്ങളെ ശക്തമായി നേരിടുമെന്ന് ഗ്രാമപഞ്ചായത്ത് പ്രസിഡൻറ് സഫിയ റസാഖും സി.ഡി.എസ് പ്രസിഡൻറ് ശരീഫയും പറഞ്ഞു.