സംസ്ഥാന സ്കൂൾ കലോത്സവം കോട്ടൂരി‍െൻറ പെരുമ നിലനിർത്താൻ എ.കെ.എം ഹയർ സെക്കൻഡറി വിദ്യാർഥികൾ

കോട്ടക്കൽ: സംസ്ഥാന സ്കൂൾ കലോത്സവത്തിൽ കോട്ടൂർ എ.കെ.എം ഹയർ സെക്കഡറി സ്കൂളിൽനിന്ന് 13 മത്സര ഇനങ്ങളിൽ മത്സരിക്കുന്നത് 90ൽപരം മത്സരാർഥികൾ. ഹയർ സെക്കൻഡറിയിൽ കോൽക്കളി, ഒപ്പന, ദഫ്മുട്ട്, പഞ്ചവാദ്യം, കഥകളി സംഗീതം, ശാസ്ത്രീയസംഗീതം എന്നീ ഇനങ്ങളിലും എച്ച്.എസിൽ കോൽക്കളി, വട്ടപ്പാട്ട്, ദഫ്മുട്ട്, പൂരക്കളി, അഷ്ടപദി, പഞ്ചവാദ്യം, അറബിക് ഗാനം എന്നീ ഇനങ്ങളിലുമാണ് മത്സരങ്ങൾ. അധ്യാപകരായ വി.കെ. മുസ്തഫ, ഫാരിസ്, ജൗഹർ, സമീർ എന്നിവരാണ് പരിശീലകർ. സംസ്ഥാന സ്കൂൾ കലോത്സവത്തിനുള്ള കോട്ടൂർ എ.കെ.എം.എച്ച്.എസ്.എസിലെ മത്സരാർഥികൾ