അന്താരാഷ്​ട്ര സെമിനാര്‍: ദാറുല്‍ഹുദ വിദ്യാര്‍ഥി ക്വാലാലംപൂരിലേക്ക്‌

തിരൂരങ്ങാടി: ജനുവരി എട്ട്, ഒമ്പത് തീയതികളില്‍ മലേഷ്യയിലെ ക്വാലാലംപൂരില്‍ നടക്കുന്ന അന്താരാഷ്ട്ര സെമിനാറില്‍ പ്രബന്ധമവതരിപ്പിക്കാന്‍ ദാറുല്‍ഹുദ ഇസ്‌ലാമിക്‌ യൂനിവേഴ്‌സിറ്റി വിദ്യാര്‍ഥിക്ക്‌ അവസരം. ഡിപ്പാര്‍ട്മ​െൻറ് ഓഫ്‌ ഖുര്‍ആന്‍ ആൻഡ് റിലേറ്റഡ്‌ സയന്‍സസ്‌ അവസാന വര്‍ഷ വിദ്യാര്‍ഥി സുഹൈറിനാണ്‌ എമിനൻറ് അസോസിയേഷന്‍ ഓഫ്‌ റിസര്‍ച്ചേഴ്‌സ്‌ ഇന്‍ ഹ്യൂമാനിറ്റീസ്‌ ആൻഡ് മാനേജ്‌മ​െൻറ് സംഘടിപ്പിക്കുന്ന ദ്വിദ്വിന സെമിനാറില്‍ പ്രബന്ധമവതരിപ്പിക്കാനുള്ള അവസരം ലഭിച്ചത്‌. സെമിനാറിലെ ഏക മലയാളി സാന്നിധ്യമാണ്‌ സുഹൈര്‍. തിരുനാവായ വലിയപറപ്പൂർ സ്വദേശികളായ ഇബ്രാഹീം-ഫാത്തിമ ദമ്പതികളുടെ മകനാണ്‌.