ഇന്ധനവുമായി വന്ന ടാങ്കറിന്‌ തീപിടിച്ചു

തിരൂരങ്ങാടി: പെട്രോള്‍ പമ്പിലേക്ക്‌ . ദേശീയപാതയിലെ കൂരിയാട്ട്‌ വെള്ളിയാഴ്‌ച രാത്രിയാണ്‌ സംഭവം. എറണാകുളത്ത്‌ നിന്ന് കൂരിയാട്ടെ പമ്പിലേക്ക്‌ ഇന്ധനവുമായി വന്ന ടാങ്കറി​െൻറ എന്‍ജിന്‍ ഭാഗത്തുനിന്ന് തീ ഉയരുകയായിരുന്നു. ഡ്രൈവറുടെ അവസരോചിത നീക്കത്തെ തുടർന്ന്‌ കൂടുതല്‍ സ്ഥലത്തേക്ക്‌ തീ പടർന്നില്ല. തിരൂരില്‍നിന്ന് അഗ്‌നിശമനസേനയും തിരൂരങ്ങാടി പൊലീസും സ്ഥലത്തെത്തി. വാഹനത്തി​െൻറ ആക്‌സിലേറ്റർ പൊട്ടിയതിനെ തുടർന്നാണ്‌ തീയുണ്ടായതെന്നാണ്‌ നിഗമനം. തീയണഞ്ഞതിന്‌ ശേഷം നാട്ടുകാരും ട്രോമ കെയർ പ്രവർത്തകരും ചേർന്ന്‌ ടാങ്കർ ലോറി പെട്രോള്‍ പമ്പിലേക്ക്‌ എത്തിച്ചു.