പ്രവാസികളുടെ കാരുണ്യത്തില്‍ ചോക്കാട് പാലി​േയറ്റിവിന് ആംബുലന്‍സ്

കാളികാവ്: പ്രവാസികളുടെ കാരുണ്യത്തില്‍ ചോക്കാട് പാലിയേറ്റിവിന് ആംബുലന്‍സ്. ഉദരംപൊയില്‍ പ്രവാസി അസോസിയേഷ‍​െൻറ (ഉപ) ആഭിമുഖ്യത്തിലാണ് ആംബുലന്‍സ് നല്‍കിയത്. ഒരു വര്‍ഷം മുമ്പ് പ്രവര്‍ത്തനം തുടങ്ങിയ ചോക്കാട് പാലിേയറ്റിവ് സാന്ത്വന പരിചരണ പ്രവര്‍ത്തനങ്ങളില്‍ ഏറെ പ്രവര്‍ത്തനങ്ങളാണ് നടത്തിയത്. പാലിേയറ്റിവ് അസോസിയേഷന്‍ ചെയര്‍മാന്‍ പൈനാട്ടില്‍ അശ്‌റഫ്, കെ.പി. റഷീദ് എന്നിവര്‍ വാഹനത്തി‍​െൻറ രേഖകള്‍ ഏറ്റുവാങ്ങി. എ.എം. ബാബു, കുരിക്കള്‍ യൂസുഫ്, കെ.ടി. കുട്ടിമാൻ, സി.ടി. ഹമീദ്, പി.വി. അബ്ദുല്‍ ലത്തീഫ് എന്നിവർ സംബന്ധിച്ചു.