ഡിജിറ്റൽ വാർഡ്‌ ലോഗോ പ്രകാശനവും സ്പോർട്സ് കിറ്റ് വിതരണവും

തിരൂരങ്ങാടി: നന്നമ്പ്ര പഞ്ചായത്തിലെ 18ാം വാർഡ്‌ ഡിജിറ്റൽ വാർഡായി പ്രഖ്യാപിക്കുന്നതിന് മുന്നോടിയായുള്ള ലോഗോ പ്രകാശനം വെൽഫെയർ പാർട്ടി ജില്ല വൈസ് പ്രസിഡൻറ് ഗണേഷ് വടേരി നിർവഹിച്ചു. 18ാം വാർഡ് മെംബർ വി.കെ. ഷമീന അധ്യക്ഷയായി. വാർഡിലെ യുവജന ക്ലബുകൾക്കുള്ള രണ്ടാംഘട്ട സ്പോർട്സ് കിറ്റ് വിതരണം വെൽഫെയർ പാർട്ടി ജില്ല സമിതി അംഗം അഷ്‌റഫ് വൈലത്തൂർ നിർവഹിച്ചു. കെ.എഫ്.സി, ട്രാക് ഫോഴ്സ്, ട്വിൻ സ്റ്റാർ, യൂത്ത് ട്രാക് എന്നീ ക്ലബുകൾ കിറ്റുകൾ ഏറ്റുവാങ്ങി. ഡിജിറ്റൽ വാർഡി​െൻറ സേവനങ്ങളെ പരിചയപ്പെടുത്തി ടി.ടി. അനീസ്, വിവിധ ക്ലബ് പ്രതിനിധികൾ സംസാരിച്ചു. 18ാം വാർഡ് യൂനിറ്റ് പ്രസിഡൻറ് പി. മുഹമ്മദലി സ്വാഗതവും പി. ഷമീം നന്ദിയും പറഞ്ഞു. വി.കെ. മുജീബ്, വി.കെ. ഷഫീഖ്, പി. ഫഹദ് എന്നിവർ നേതൃത്വം നൽകി.