'നാടി​െൻറ വികസനത്തിന്​ കാർഷിക മേഖല പുരോഗമിക്കണം'

അരീക്കോട്: കാർഷിക മേഖലയിൽ പുരോഗമനം ഉണ്ടായാലേ നാടു വികസിക്കൂവെന്ന് മുൻ മുഖ്യമന്ത്രി ഉമ്മൻ ചാണ്ടി. അരീക്കോട് സുല്ലമുസ്സലാം ഓറിയൻറൽ ഹയർ സെക്കൻഡറി സ്കൂൾ വിദ്യാർഥികൾ വിളയിച്ചെടുത്ത നെല്ല് സ്കൂളിന് കൈമാറുന്ന ചടങ്ങ് ഉദ്ഘാടനം ചെയ്യുകയായിരുന്നു അദ്ദേഹം. യുവ കർഷകൻ നൗഷർ കല്ലടയെയും വാർഡ് അംഗം ഉമ്മർ വെള്ളേരിയെയും ചടങ്ങിൽ ആദരിച്ചു. പി.കെ. ബഷീർ എം.എൽ.എ അധ്യക്ഷത വഹിച്ചു. അഡ്വ. വി.വി. പ്രകാശ്, ജില്ല പഞ്ചായത്ത് മെംബർ പി.വി. മനാഫ്, നൗഷർ കല്ലട, പ്രിൻസിപ്പൽ കെ.ടി. മുനീബു റഹ്മാൻ, എൻ.വി. മുഹമ്മദ് സക്കരിയ, എ.ഡബ്ല്യു. അബ്ദറഹ്മാൻ, പി.പി. സഫറുല്ല, പി.വി. മുഹമ്മദ് തുടങ്ങിയവർ സംസാരിച്ചു.