സ്ത്രീകൾക്കും കുട്ടികൾക്കും എതിരായ അതിക്രമങ്ങൾക്കെതിരെ കാമ്പയിൻ

കാളികാവ്: സ്ത്രീകൾക്കും കുട്ടികൾക്കും എതിരെയുള്ള അതിക്രമങ്ങൾക്കെതിരെ ചോക്കാട് ഗ്രാമപഞ്ചായത്തിൽ ജൻറർ പരിശീലന കാമ്പയിൻ സംഘടിപ്പിച്ചു. 'നീതം 2018' പരിപാടി കുടുംബശ്രീയുടെ നേതൃത്വത്തിലാണ് നടന്നത്. സ്ത്രീകൾക്കും കുട്ടികൾക്കുമെതിരായ അതിക്രമങ്ങളെ ചെറുക്കുന്നതിനുള്ള പരിശീലനമാണ് നടന്നത്. ചോക്കാട് ഗ്രാമപഞ്ചായത്ത് പ്രസിഡൻറ് അന്നമ്മ മാത്യു ഉദ്ഘാടനം ചെയ്തു. സി.ഡി.എസ് വൈസ് പ്രസിഡൻറ് ഇ.ടി. റംലത്ത് അധ്യക്ഷത വഹിച്ചു. ഗ്രാമപഞ്ചായത്ത് സ്ഥിര സമിതി ചെയർമാൻമാരായ എം.എ. ഹമീദ്, എൻ.കെ. റസീന തുടങ്ങിയവർ സംസാരിച്ചു. കുടുംബശ്രീ ജില്ല റിസോഴ്സ് പേഴ്സൻ ബീന തോമസ് ക്ലാസെടുത്തു.