കണയം ശ്രീകുറുംബക്കാവിലെ ആഘോഷങ്ങൾ 11ന് തുടങ്ങും

ഷൊർണൂർ: കണയം ശ്രീകുറുംബക്കാവിലെ കാളവേല, പൂരം ആഘോഷങ്ങൾ ഫെബ്രുവരി 11, 12 തീയതികളിൽ നടക്കുമെന്ന് ക്ഷേത്ര സംരക്ഷണ സമിതി ഭാരവാഹികൾ വാർത്തസമ്മേളനത്തിൽ പറഞ്ഞു. ക്ഷേത്രത്തി​െൻറ ഐതിഹ്യവും പുനരുദ്ധാരണ പ്രവൃത്തി, ശുദ്ധികലശം എന്നിവയും ഉൾപ്പെടുത്തി പ്രസിദ്ധീകരിക്കുന്ന സുവനീറി​െൻറ പ്രകാശനം വ്യാഴാഴ്ച വൈകീട്ട് ഏഴിന് കൊട്ടാരക്കര പരുമല ആശ്രമം മഠാധിപതി സ്വാമി ദയാനന്ദ സരസ്വതി നിർവഹിക്കും. വാർത്തസമ്മേളനത്തിൽ ഭാരവാഹികളായ കെ. പരമേശ്വരൻ, എ. രാഘവൻ നായർ, എ. ശ്രീനാരായണൻ, കെ. രാമദാസൻ എന്നിവർ പങ്കെടുത്തു.