പട്ടാമ്പിയിലെ ബസ് സമരം: പരിഹാരം കാണണം

പട്ടാമ്പി: പട്ടാമ്പിയിൽ സ്വകാര്യ ബസുകളുടെ സർവിസ് നിർത്തിവെച്ചുള്ള സമരത്തിന് ഉടൻ പരിഹാരം കാണണമെന്ന് കെ.എസ്.യു ജില്ല ജനറൽ സെക്രട്ടറി ശരീഫ് കൊടലൂർ ആവശ്യപ്പെട്ടു. എസ്.എസ്.എൽ.സി, പ്ലസ് ടു പരീക്ഷകൾ അടുത്തിരിക്കെ വിദ്യാർഥികളടക്കമുള്ള യാത്രക്കാർ സമരങ്ങൾ മൂലം ബുദ്ധിമുട്ടുകയാണ്. പ്രശ്‌നത്തിന് ഉടൻ പരിഹാരം കാണണമെന്നാവശ്യപ്പെട്ട് പട്ടാമ്പി ആർ.ടി.ഒക്ക് പരാതി നൽകി. കെ.എസ്.യു മുൻ ബ്ലോക്ക് വൈസ് പ്രസിഡൻറ് ജമാൽ മപ്പാട്ടുകര, മുഹ്‌സിൻ വല്ലപ്പുഴ, സാബു, ഷാനിഫ് എന്നിവരും സംഘത്തിലുണ്ടായിരുന്നു.