ഗർഭിണിയുടെ മരണം: പ്രകൃതി ചികിത്സകൻ അറസ്​റ്റിൽ

മലപ്പുറം: അശാസ്ത്രീയ രീതിയിലുള്ള പ്രകൃതി ചികിത്സയെ തുടർന്ന് ഗർഭിണി മരിച്ച സംഭവത്തിൽ ഒരാൾ അറസ്റ്റിൽ. പ്രകൃതി ചികിത്സകൻ മമ്പാട് തോട്ടിൻറക്കര അരിമ്പ്രക്കുന്ന് വീട്ടിൽ ആബിർ ഹൈദറിനെയാണ് (33) മലപ്പുറം ഡിവൈ.എസ്.പി ജലീൽ തോട്ടത്തിൽ അറസ്റ്റ് ചെയ്തത്. ജനുവരിയിലാണ് ചികിത്സയെ തുടർന്ന് യുവതി മരിച്ചത്. മറവുചെയ്ത മൃതദേഹം ജില്ല മെഡിക്കൽ ഒാഫിസറുടെ റിപ്പോർട്ടിനെ തുടർന്ന് ഡിവൈ.എസ്.പിയുടെ നേതൃത്വത്തിൽ പുറത്തെടുത്ത് പോസ്റ്റ്മോർട്ടം നടത്തിയിരുന്നു. കോടതിയുടെ ഉത്തരവ് പ്രകാരമാണ് അറസ്റ്റ്.