പെൻഷൻ വിതരണം: ചെറുകിട സഹകരണ സംഘങ്ങൾ അവതാളത്തിൽ

മണ്ണാർക്കാട്: സഹകരണ സംഘങ്ങളുടെ സാമൂഹിക സുരക്ഷ പെൻഷൻ വിതരണം അവതാളത്തിൽ. സഹകരണ ബാങ്കുകൾ സർക്കാർ പ്രഖ്യാപിക്കുന്ന തീയതികളിൽ പെൻഷൻ വിതരണം നടത്തുന്നുണ്ട്. സർക്കാർ ഇൗ തുക നൽകുമ്പോൾ ബാങ്കിൽ വരവ് െവക്കുകയാണ് പതിവ്. സ്വയം പ്രവർത്തിക്കാൻ പണമില്ലാതെ വിഷമിക്കുന്ന സംഘങ്ങൾ പെൻഷൻ വിതരണത്തിന് തുക കണ്ടെത്തുക പ്രയാസമാണ്. സർക്കാർ ഫണ്ട് വരുന്നതുവരെ പെൻഷൻ വിതരണം നടത്താതെ വൈകിപ്പിക്കുന്നത് ഗുണഭോക്താക്കളെ വിഷമത്തിലാക്കുന്നു. ഓണവും പെരുന്നാളും ഒന്നിച്ചുവന്ന ഈ മാസം 10 മുതൽ പെൻഷൻ വിതരണം നടത്താൻ സർക്കാർ ഉത്തരവിട്ടിരുന്നു. ബാങ്കുകൾ 15ഒാടെ പെൻഷൻ വിതരണം പൂർത്തിയാക്കി. ഓരോ വാർഡുകളിലും അഞ്ചുമുതൽ എട്ടുലക്ഷംവരെ തുക കണ്ടെത്തണം. ഗുണഭോക്താവൊന്നിന് 50 രൂപയാണ് സർക്കാർ ഇൻസ​െൻറിവ് നൽകുന്നത്. ഒരു സംഘത്തിന് കീഴിൽ ആയിരം ഗുണഭോക്താക്കളുണ്ടെങ്കിൽ നാലുമാസത്തെ പെൻഷൻതുക വിതരണത്തിന് ശരാശരി 44 ലക്ഷം രൂപ വേണം.