ഇരുമ്പുചോല സ്‌കൂൾ അധ്യാപകർ എം.എൻ കോളനി സന്ദർശിച്ചു

വേങ്ങര: മഴക്കെടുതിയിൽ ദുരിതമനുഭവിക്കുന്ന എ.ആർ നഗറിലെ എം.എൻ കോളനി ഇരുമ്പുചോല എ.യു.പി സ്‌കൂൾ അധ്യാപകർ സന്ദർശിച്ചു. ജലപ്രളയത്താൽ സർവതും നഷ്ടപ്പെട്ട ഇരുപത്തഞ്ചോളം കുടുംബങ്ങളാണ് ഇവിടെ താമസിക്കുന്നത്. ദുരിതാശ്വാസ ക്യാമ്പിൽനിന്ന് തിരിച്ചെത്തിയ വീട്ടുകാരിൽ പലരും സ്വന്തം വീടുകളിൽ താമസത്തിനെത്തിയിട്ടില്ല. വീടി‍​െൻറ സുരക്ഷിതത്വമില്ലായ്മയാണ് പലരെയും വീട്ടിൽനിന്ന് അകറ്റി നിർത്തുന്നതെന്ന് പ്രദേശവാസികൾ പറയുന്നു. സന്ദർശനത്തിന് അധ്യാപകരായ ടി.പി. അബ്ദുൽ ഹഖ്, കെ.എം. ഹമീദ്, പി.കെ. മുഹമ്മദ്, വി. മുനീർ, വാർഡ് അംഗം കൊളക്കാട്ടിൽ സമീൽ എന്നിവർ നേതൃത്വം നൽകി.