ഇതര സംസ്ഥാന തൊഴിലാളികൾക്കായി സംഗമം

കാളികാവ്: പ്രളയദുരിതത്തില്‍ അതിജീവനത്തിന് പാടുപെടുന്ന ഇതര സംസ്ഥാന തൊഴിലാളികള്‍ക്കായി ബലിപെരുന്നാള്‍ ദിനത്തില്‍ ഹൃദ്യമായ സംഗമം ഒരുക്കി. ജമാഅത്തെ ഇസ്ലാമി ഏരിയ കമ്മിറ്റി ആഭിമുഖ്യത്തില്‍ പുറ്റമണ്ണ ഹിറ മസ്ജിദ് ഓഡിറ്റോറിയത്തിലാണ് അറുപതോളം വരുന്ന അസം, ബംഗാള്‍, ത്രിപുര സംസ്ഥാനങ്ങളില്‍നിന്നുള്ള തൊഴിലാളികള്‍ ഒത്തുചേര്‍ന്നത്. ഇവര്‍ക്കായി പെരുന്നാള്‍ സദ്യയുമൊരുക്കി. ചടങ്ങില്‍ ഏരിയ പ്രസിഡൻറ് പി. അബ്ദുല്‍ ഷുക്കൂര്‍ അധ്യക്ഷത വഹിച്ചു. കെ.പി. ജമാല്‍ മാസ്റ്റര്‍, അബു മാസ്റ്റര്‍, എം.കെ. നൗഷാദ്, ടി. ബഷീര്‍ മാസ്റ്റര്‍, സി.കെ. അബ്ദുല്‍ അസീസ് എന്നിവര്‍ സംസാരിച്ചു. പടം- കാളികാവ് പുറ്റമണ്ണയില്‍ നടന്ന ഇതര സംസ്ഥാന തൊഴിലാളി സംഗമം