ദുരിതാശ്വാസ നിധിയിലേക്ക് സ്വർണമോതിരം നൽകി നവവധു

കോട്ടക്കൽ: ദുരിതം പെയ്തിറങ്ങിയതിനെ തുടർന്ന് ക്യാമ്പിൽ കഴിയുന്നവർക്ക് സാന്ത്വനമായി നവവധു. വിവാഹ സമ്മാനമായി ലഭിച്ച സ്വർണമോതിരം മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകിയാണ് ശ്രീലക്ഷ്മി വിവാഹജീവിതത്തിലേക്ക് ചുവടുവെച്ചത്. പെരുമണ്ണ ക്ലാരി കഞ്ഞിക്കുഴിങ്ങര കിഴക്കേപുരക്കൽ നാരായണ​െൻറ മകളാണ്. വീട്ടിൽ നടന്ന ചടങ്ങിൽ സി.പി.എം കോട്ടക്കൽ ഏരിയ സെക്രട്ടറി തയ്യിൽ അലവി മോതിരം ഏറ്റുവാങ്ങി. തൃത്താല കമല നിവാസിൽ തച്രംകുന്നത്ത് സുബ്രഹ്മണ്യ​െൻറയും വിജയലക്ഷ്മിയുടേയും മകൻ സുജീഷാണ് വരൻ. ഡി.വൈ.എഫ്.ഐ നേതാക്കളും ചടങ്ങിൽ സന്നിഹിതരായിരുന്നു.