ദുരിതാശ്വാസ ക്യാമ്പ് ശുചീകരണം: കൈമെയ് മറന്ന് വിദ്യാർഥിനികൾ

പരപ്പനങ്ങാടി: ചളിവെള്ളം തളം കെട്ടിനിൽക്കുന്ന ദുരിതാശ്വാസ ക്യാമ്പി​െൻറ മുറ്റത്തേക്ക് മാലിന്യം പകരാതിരിക്കാൻ എൻ.എസ്.എസ് വളൻറിയർമാരായ വിദ്യാർഥിനികൾ കാണിച്ച ജാഗ്രത ശ്രദ്ധേയമായി. 60 കുടുംബങ്ങളിൽ നിന്നായി നൂറ്റി നാൽപ്പതോളം പേർ താമസിക്കുന്ന പരപ്പനങ്ങാടി ടൗൺ ജി.എം.എൽ.പി സ്കൂളിലെ ദുരിതാശ്വാസ ക്യാമ്പി​െൻറ മൈതാനിയായ മുറ്റം കനത്ത മഴയെ തുടർന്ന് ചളിക്കുളമായി കിടക്കുകയാണ്. പരപ്പനങ്ങാടി എസ്.എൻ.എം ഹയർ സെക്കൻഡറി സ്കൂളിലെ പ്ലസ് വൺ വിദ്യാർഥിനി ഷഹീമ മിനാസി​െൻറ നേതൃത്വത്തിലുള്ള വളൻറിയർമാരാണ് ശുചീകരണ ദൗത്യമേറ്റെടുത്തത്. സ്കൂൾ മുറ്റത്ത് ബേബി മെറ്റലടിച്ച് നിലവിലെ മലിന സാഹചര്യം മറികടക്കുമെന്ന് മുനിസിപ്പൽ കൗൺസിലർ സെയ്തലവി കടവത്തും പ്രധാനാധ്യാപിക ശ്രീകലയും അറിയിച്ചു. പടം പരപ്പനങ്ങാടി ടൗൺ ജി.എം.എൽ.പി സ്കൂളിലെ ദുരിതാശ്വാസ ക്യാമ്പിൽ ശുചീകരണ ദൗത്യമേറ്റെടുത്ത വിദ്യാർഥിനികൾ