പുലാമന്തോൾ-പെരിന്തൽമണ്ണ റൂട്ടിൽ വാഹനഗതാഗതം പുനഃസ്ഥാപിച്ചു

പുലാമന്തോൾ: കാലവർഷം രൂക്ഷമായതോടെ വാഹന ഗതാഗതം നിറുത്തിയ പുലാമന്തോൾ-പെരിന്തൽമണ്ണ റൂട്ടിൽ ഗതാഗതം പുനഃസ്ഥാപിച്ചു. കട്ടുപ്പാറ കണ്ടപ്പത്ത് പാലം-പുളിങ്കാവ് എന്നിവിടങ്ങളിലാണ് റോഡിൽ വെള്ളം കയറിയത്. രണ്ട് ദിവസമായി നിറുത്തിയിരുന്ന ഗതാഗതമാണ് വെള്ളിയാഴ്ച വൈകീട്ട് വെള്ളം ഇറങ്ങിയതോടെ പുനഃസ്ഥാപിച്ചത്. പുലാമന്തോൾ-മലപ്പുറം റൂട്ടിലെ താവുള്ളിപ്പാലത്തിൽ നിന്ന് വെള്ളം പൂർണമായി ഇറങ്ങിയിട്ടില്ല.