ചോക്കാടന്‍ പുഴ കരകവിഞ്ഞു; 10 കുടുംബങ്ങള്‍ താമസം മാറ്റി

ചോക്കാട്: കനത്ത മഴയില്‍ മമ്പാട്ടുമല പന്നിക്കോട്ടുമുണ്ടയില്‍ ഏതാനും വീടുകളില്‍ വെള്ളം കയറി. വലിയപിടിക സക്കീര്‍, മേനത്തി ആമിന, കോലോത്തും തൊടിക ഉസ്മാന്‍, കോലോത്തുതൊടിക സമീര്‍, മുപ്ര മുജീബ്, കുമ്മാളി അസീസ്, പേര്‍ക്കുത്ത് മുഹമ്മദ്, പറമ്പത്ത് യൂസഫ്, പറമ്പത്ത് മൂസ, പാമ്പോടന്‍ അലവി, അരി പറമ്പില്‍ ഹംസ, സമീര്‍ബാബു എന്നിവരുടെ വീടുകളിലാണ് വെള്ളം കയറിയത്. പാമ്പോടന്‍ അലവിയുടെ തേനീച്ചപ്പെട്ടികൾ, മോട്ടോര്‍, ഇൻവര്‍ട്ടര്‍ മുതലായവ ഒലിച്ചുപോയി. ഇതില്‍ ഏതാനും കുടുംബങ്ങള്‍ ഭീഷണി കാരണം ബുധനഴ്ച രാത്രിയോടെ ബന്ധു വീടുകളിലേക്ക് താമസം മാറ്റി.