എസ്.എസ്.എഫ് ഈസ്​റ്റ്​ ജില്ല സാഹിത‍്യോത്സവ്​ ഇന്ന്​ മുതൽ

നിലമ്പൂർ: എസ്.എസ്.എഫ് ഈസ്റ്റ് ജില്ല സാഹിത‍്യേത്സവം വ‍്യാഴാഴ്ച മുതൽ ഞായറാഴ്ച വരെ വഴിക്കടവിൽ നടക്കുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. വ‍്യാഴാഴ്ച വൈകീട്ട് ഏഴിന് കർണാടക മന്ത്രി യു.ടി. ഖാദർ ഉദ്ഘാടനം ചെയ്യും. സാഹിത‍്യകാരൻ കൽപ്പറ്റ നാരായണൻ മുഖ‍്യാതിഥിയാകും. സാംസ്കാരിക ഘോഷയാത്രയോടെയാവും തുടക്കം. രണ്ടായിരത്തോളം മത്സരാർഥികൾ പങ്കെടുക്കും. ഞായറാഴ്ച സമാപന സമ്മേളനം മന്ത്രി മാത‍്യു ടി. തോമസ് ഉദ്ഘാടനം ചെയ്യും. ഗസൽ ഗാനം, കവലപ്പാട്ട്, പുസ്തക ചർച്ച, സാംസ്കാരിക സായാഹ്നം, ലഹരിവിരുദ്ധ ബോധവത്കരണം എന്നിവയുമുണ്ടാവും. വാർത്തസമ്മേളനത്തിൽ എസ്.എസ്.എഫ് സംസ്ഥാന സെക്രട്ടറി എം. അബ്ദുറഹ്മാൻ, സംസ്ഥാന കോഒാഡിനേറ്റർ മുഹമ്മദ് ശരീഫ് വഹദി, സംസ്ഥാന എക്സിക‍്യൂട്ടിവ് അംഗം എം. അബ്ദുൽ കരീം, ജില്ല ഈസ്റ്റ് വൈസ് പ്രസിഡൻറ് സഫ്വാൻ ഹഫ്ഹരി, എടക്കര ഡിവിഷൻ പ്രസിഡൻറ് ഫാരീസ് റഹ്മാൻ സഖാഫി, നിലമ്പൂർ സോൺ എസ്.വൈ.എസ് ജോ. സെക്രട്ടറി സി.എ. അൻവർ എന്നിവർ പങ്കെടുത്തു.