സ്വദേശി ദർസുകൾ കാര്യക്ഷമമാക്കാന്‍ തീരുമാനം

തേഞ്ഞിപ്പലം: സമസ്ത കേരള സുന്നി മഹല്ല് ഫെഡറേഷ​െൻറ കീഴില്‍ സ്വദേശി ദര്‍സുകള്‍ വ്യാപിപ്പിക്കാനും കൂടുതല്‍ കാര്യക്ഷമമാക്കാനും തീരുമാനം. ചേളാരി സമസ്താലയത്തില്‍ ചേര്‍ന്ന സ്വദേശി ദര്‍സ് മുദരിസുമാരുടെ ശില്‍പശാലയിലാണ് തീരുമാനം. പാഠ്യ-പാഠ്യേതര പ്രവര്‍ത്തനങ്ങൾ, മൂല്യനിര്‍ണയം എന്നിവ ഏകോപിപ്പിക്കാൻ നിര്‍ദേശിച്ച ശില്‍പശാല തുടര്‍പ്രവര്‍ത്തനങ്ങള്‍ക്ക് വേണ്ടി കെ. ഉമര്‍ ഫൈസി ചെയര്‍മാനും ഡോ. ബഹാഉദ്ദീന്‍ മുഹമ്മദ് നദ്‌വി കൂരിയാട് കണ്‍വീനറുമായ അക്കാദമിക് സമിതിക്ക് രൂപം നല്‍കി. ഡോ. ബഹാഉദ്ദീന്‍ മുഹമ്മദ് നദ്‌വി കൂരിയാട് ഉദ്ഘാടനം ചെയ്തു. കെ. ഉമര്‍ ഫൈസി മുക്കം അധ്യക്ഷത വഹിച്ചു. ഹംസ റഹ്മാനി കൊണ്ടിപ്പറമ്പ് വിഷയാവതരണം നടത്തി. കെ. മോയിന്‍കുട്ടി, എ.കെ. ആലിപ്പറമ്പ്, ഒ.എം. ഷരീഫ് ദാരിമി, ഇസ്മായില്‍ ഹുദവി, ടി.എച്ച്. അബ്ദുല്‍ അസീസ് ബാഖവി എന്നിവര്‍ സംസാരിച്ചു.