ബ്ലോക്കുതല കർഷക സഭ

വണ്ടൂർ: കാർഷിക വികസന കർഷക ക്ഷേമ വകുപ്പി​െൻറ ആഭിമുഖ്യത്തിൽ നടത്തി. ബ്ലോക്ക് പഞ്ചായത്ത് ഹാളിൽ നടന്ന പരിപാടി പ്രസിഡൻറ് സി.എച്ച്. ആസ്യ ഉദ്‌ഘാടനം ചെയ്തു. സംസ്ഥാന സർക്കാറി​െൻറ ഹരിത കേരളം പദ്ധതിയുടെ ഭാഗമായി ഈ വർഷം മുതലാണ് കർഷക സഭകൾ ചേരുന്നത്. പഞ്ചായത്ത് തലത്തിൽ നടന്ന കർഷക സഭകളിൽനിന്നും തെരഞ്ഞെടുത്തവരാണ് ബ്ലോക്ക് തല കർഷക സഭയിൽ പങ്കെടുത്തത്. കാർഷിക മേഖലയിൽ കർഷകർ നേരിടുന്ന പ്രശ്നങ്ങൾ ചർച്ച ചെയ്യുകയും ബ്ലോക്ക് തല റിപ്പോർട്ട് ക്രോഡീകരിക്കുകയും 2018-19 വർഷത്തെ പദ്ധതികളുടെ അവതരണം നടത്തുകയും ചെയ്തു. ബ്ലോക്ക് പഞ്ചായത്ത് വൈസ് പ്രസിഡൻറ് വി. നാരായണൻ അധ്യക്ഷത വഹിച്ചു. പച്ചക്കറി കൃഷിയിലെ നൂതന പ്രവണതകൾ എന്ന പേരിൽ എടപ്പറ്റ കൃഷി ഓഫിസർ ടി.ടി. തോമസ് ക്ലാസെടുത്തു. മമ്പാട് ഗ്രാമപഞ്ചായത്ത് പ്രസിഡൻറ് ഷിഫ്ന നജീബ്, ബ്ലോക്ക് പഞ്ചായത്തംഗങ്ങളായ കെ.ടി. ജുവൈരിയ, ടി. ഉമ്മർ, കെ. സത്യഭാമ, അഡ്വ. ഷീന രാജൻ, അനിൽ നിരവിൽ, എം. ഷംന, പി.ടി. സുമിയ, പി.കെ. മൈമൂന, ഷൈജൽ ആമയൂർ, പി. ശശികുമാർ, പഞ്ചായത്തംഗം ഇ. മുരളി, കൃഷി അസി. ഡയറക്ടർ പി.ടി. ഗീത, ഇ. അനീസ എന്നിവർ സംസാരിച്ചു. ലോക മുലയൂട്ടൽ വാരാചരണം: ബ്ലോക്ക് തല സമാപനം വണ്ടൂർ: ലോക മുലയൂട്ടൽ വാരാചരണ ബ്ലോക്കുതല സമാപനം ബ്ലോക്ക് പഞ്ചായത്ത് പ്രസിഡൻറ് സി.എച്ച്. ആസ്യ ഉദ്‌ഘാടനം ചെയ്തു. ബ്ലോക്ക് പഞ്ചായത്ത് ഹാളിൽ നടന്ന പരിപാടിയിൽ ബി.ഡി.ഒ ജി. ഗോഡ്സൺ അധ്യക്ഷത വഹിച്ചു. മുലയൂട്ടലി​െൻറ പ്രാധാന്യത്തെ ആസ്പദമാക്കിയുള്ള പ്രശ്‌നോത്തിരി, താരാട്ട് പാട്ട് മത്സരം, വിവിധ കലാപരിപാടികൾ എന്നിവ നടന്നു. വണ്ടൂർ, പോരൂർ, മമ്പാട്, തിരുവാലി, പാണ്ടിക്കാട്, തൃക്കലങ്ങോട് പഞ്ചായത്തുകളിൽ നിന്ന് തിരഞ്ഞെടുത്ത അമ്മമാരാണ് പങ്കെടുത്തത്. ചടങ്ങിനോടനുബന്ധിച്ച് തിരുവാലി ഗ്രാമപഞ്ചായത്തിലെ അമ്മമാർ നടത്തിയ തിരുവാതിരക്കളി ആവേശമായി. ചടങ്ങിൽ ബ്ലോക്ക് പഞ്ചായത്തംഗം കെ.ടി. ജുവൈരിയ, സി.ഡി.പി.ഒ വി.എം. റിംസി, അഡീഷണൽ സി.ഡി.പി.ഒ പി.സി. റജീന, ഐ.സി.ഡി.എസ് സൂപ്പർ വൈസർമാരായ പി.ജി. ജിഷ, കെ. മൃദുല, ബീന സൂസൻ, പി. ആയിഷക്കുട്ടി, എം. സുജാത, കെ. ആമിന, എം. സലീല എന്നിവർ സംസാരിച്ചു.