അവധിദിവസങ്ങളിലും പരിശോധന കർശനമാക്കി മോട്ടോർ വാഹന വകുപ്പ്

തിരൂരങ്ങാടി: മലപ്പുറം ആർ.ടി.ഒ ബാബു ജോണി​െൻറ പ്രത്യേക നിർദേശപ്രകാരം അവധിദിവസങ്ങളിലും വാഹന പരിശോധന ശക്തമാക്കി മോട്ടോർ വാഹന വകുപ്പ്. ദേശീയപാത കക്കാട്, കൊളപ്പുറം, ചങ്കുവെട്ടി, കുന്നുംപുറം, കൊണ്ടോട്ടി, മലപ്പുറം തുടങ്ങി ജില്ലയുടെ വിവിധ മേഖലകൾ കേന്ദ്രീകരിച്ചാണ് ഞായറാഴ്ച മലപ്പുറം എം.വി.ഐ. എം.പി. അബ്ദുൽ സുബൈറി​െൻറ നേതൃത്വത്തിൽ പരിശോധന നടത്തിയത്. വാഹനമോടിച്ച നാല് പ്രായപൂർത്തിയാകാത്തവർക്കെതിരെയും അപകടകരമായ രീതിയിൽ വാഹനമോടിച്ച രണ്ടുപേർക്കെതിരെയും എയർ ഹോൺ ഉപയോഗിച്ചതിന് മൂന്നും ഹെൽമറ്റില്ലാതെ വാഹനമോടിച്ച ആറും പേർക്കെതിരെ നടപടിയെടുത്തു. 25 വാഹനങ്ങളിൽ നിന്നായി 15,000 രൂപ പിഴ ഈടാക്കി. മലപ്പുറം എം.വി.ഐ എം.പി. അബ്ദുൽ സുബൈർ, എ.എം.വി.ഐ. ശ്രീജിത്ത്, സി. ശശിധരൻ എന്നിവർ പരിശോധനക്ക് നേതൃത്വം നൽകി. അവധി ദിവസങ്ങളിൽ ലൈസൻസില്ലാത്ത വിദ്യാർഥികൾ വാഹനം ഉപയോഗിക്കുന്നത് വർധിച്ചതിനാൽ വരുംദിവസങ്ങളിലും പരിശോധന ശക്തമാക്കുമെന്ന് എം.വി.ഐ പറഞ്ഞു.