ക്ഷേമ പെൻഷൻ തകർക്കരുത്​ -കർഷക കോൺഗ്രസ്

മഞ്ചേരി: പുതിയ മാനദണ്ഡങ്ങള്‍ കൊണ്ടുവന്ന് സാമൂഹിക ക്ഷേമ പദ്ധതികളെ ഇല്ലാതാക്കാനുള്ള നീക്കത്തില്‍നിന്നും സര്‍ക്കാര്‍ പിന്തിരിയണമെന്നും പ്രാഥമികാരോഗ്യ കേന്ദ്രങ്ങളില്‍ ഡോക്ടര്‍മാരെ നിയമിക്കാന്‍ തദ്ദേശ സ്വയംഭരണ സ്ഥാപനങ്ങള്‍ക്ക് നൽകിയിരുന്ന അധികാരം എടുത്തുകളഞ്ഞ സര്‍ക്കാര്‍ നടപടി പ്രതിഷേധാര്‍ഹമാണെന്നും കര്‍ഷക കോണ്‍ഗ്രസ് കാവനൂർ മണ്ഡലം കമ്മിറ്റി അഭിപ്രായപ്പെട്ടു. ജില്ല ജനറല്‍ സെക്രട്ടറി കെ. അബ്ബാസലി ചെങ്ങര ഉദ്ഘാടനം ചെയ്തു. കെ. രാജീവ്, അബ്ദുല്ല ഇരിവേറ്റി, കെ. ജാഫർ, എന്‍.കെ. ഉണ്ണി, കാവാട്ട് അബ്ദുസലാം എന്നിവര്‍ സംസാരിച്ചു.