വിദ്യാരംഗം ശിൽപശാല

കരുവാരകുണ്ട്: വിദ്യാരംഗം കലാസാഹിത്യവേദി വണ്ടൂർ ഉപജില്ല കരുവാരകുണ്ട് മോഡൽ ജി.എൽ.പി സ്കൂളിൽ സംഘടിപ്പിച്ച ശിൽപശാല ഗ്രാമപഞ്ചായത്ത് പ്രസിഡൻറ് മഠത്തിൽ ലത്തീഫ് ഉദ്ഘാടനം ചെയ്തു. പ്രധാനാധ്യാപക ഫോറം കൺവീനർ കെ.കെ. ജയിംസ് അധ്യക്ഷത വഹിച്ചു. പൊതുവിദ്യാഭ്യാസ ശാക്തീകരണ യജ്ഞം ജില്ല കോഒാഡിനേറ്റർ എം. മണി, കെ.പി. ഹരിദാസൻ, വിദ്യാരംഗം ഉപജില്ല കൺവീനർ വിനുരാജ്, എം. രാധാകൃഷ്ണൻ എന്നിവർ സംസാരിച്ചു. നാടൻപാട്ട് ശിൽപശാലക്ക് സുരേഷ് തിരുവാലിയും തിറ അവതരണത്തിന് സുധീഷ് മണ്ണാർക്കാടും നേതൃത്വം നൽകി.