സൗജന്യ നെൽവിത്ത് വിതരണം

കൊളത്തൂർ: പുഴക്കാട്ടിരി ഗ്രാമപഞ്ചായത്ത് വാർഷിക പദ്ധതിയിൽ ഉൾപ്പെടുത്തി നടപ്പാക്കുന്ന രാമപുരം മേഖലയിലെ കർഷകർക്ക് വിത്ത് നൽകി ഗ്രാമപഞ്ചായത്ത് പ്രസിഡൻറ് പി.കെ. ജയറാം ഉദ്ഘാടനം ചെയ്തു. സ്ഥിരം സമിതി അധ്യക്ഷൻ പി.ടി. ബഷീർ അധ്യക്ഷത വഹിച്ചു. പഞ്ചായത്ത് അംഗം കെ.പി. മുജീബ്, കൃഷി അസി. ഗീത എന്നിവർ സംസാരിച്ചു. മുലയൂട്ടൽ വാരാഘോഷം കൊളത്തൂർ: പുഴക്കാട്ടിരി ഗ്രാമപഞ്ചായത്തും സാമൂഹികാരോഗ്യ കേന്ദ്രവും സംയുക്തമായി മുലയൂട്ടൽ വാരാഘോഷവും ബേബി ഷോയും ബോധവത്കരണ ക്ലാസും നടത്തി. പഞ്ചായത്ത് പ്രസിഡൻറ് പി.കെ. ജയറാം ഉദ്ഘാടനം ചെയ്തു. സ്ഥിരംസമിതി അധ്യക്ഷൻ പി.കെ. അലി അധ്യക്ഷത വഹിച്ചു. വൈസ് പ്രസിഡൻറ് സി. നജ്മുന്നീസ, പഞ്ചായത്ത് അംഗം ഗീത, ഡോ. ശിഹാബ്, ഡോ. ദിലീപ്, ഹെൽത്ത് ഇൻസ്‌പെക്ടർ മുഹമ്മദ്, ജെ.എച്ച്.ഐ. ഷമീൽ ബാബു, നജീബ്, ഷീജ മോൾ, അനീസ്, ബീന, ആസ്യ, ഷീജ എന്നിവർ സംസാരിച്ചു.