മാതൃകാധ്യാപകൻ സെയ്താലി മുസ്​ലിയാരെ ആദരിച്ചു

കൊളത്തൂർ: സമസ്ത കേരള ജംഇയ്യതുൽ മുഅല്ലിമീൻ മാതൃക മദ്റസാധ്യാപകനായി തെരഞ്ഞെടുത്ത സെയ്താലി മുസ്ലിയാരെ കൊളത്തൂർ ഹയാത്തുൽ ഇസ്ലാം മദ്റസ കമ്മിറ്റിയും പൂർവ വിദ്യാർഥികളും ചേർന്ന് ആദരിച്ചു. ഹയാത്തുൽ ഇസ്ലാം സെക്കൻഡറി മദ്റസ പ്രധാനാധ്യാപകനാണ് ഇദ്ദേഹം. കെ.ടി. ബാപ്പുട്ടി മുസ്ലിയാർ ഉദ്ഘാടനം ചെയ്തു. മഹല്ല് ഖതീബ് അബ്ദുൽ അസീസ് ഫൈസി അധ്യക്ഷത വഹിച്ചു. കെ.പി. ഹംസ ഉപഹാരം കൈമാറി. കാരാട്ടുപറമ്പ് മഹല്ല് ഖതീബ് അബ്ദുൽ ഹക്കീം ഫൈസി, മുഹമ്മദ് ഷരീഫ് ബാഖവി, എ. കുഞ്ഞിമുഹമ്മദ് മൗലവി എന്നിവർ സംസാരിച്ചു.