കരിപ്പൂരിൽ 26 ലക്ഷം രൂപയുടെ സ്വർണം പിടികൂടി

കരിപ്പൂർ: കോഴിക്കോട് വിമാനത്താവളം വഴി അനധികൃതമായി കടത്താൻ ശ്രമിച്ച സ്വർണം പിടികൂടി. എയർ കസ്റ്റംസ് ഇൻറലിജൻസാണ് രണ്ട് പേരിൽ നിന്നായി 863 ഗ്രാം സ്വർണം പിടിച്ചത്. കരിപ്പൂർ സ്വദേശി രഞ്ജിത്ത്, തിക്കോടി സ്വദേശി ജിനേഷ് എന്നിവരിൽ നിന്നാണ് 26 ലക്ഷം രൂപയുടെ സ്വർണം പിടികൂടിയത്. ഇവർ ധരിച്ചിരുന്ന ചെരിപ്പിനുള്ളിൽ സ്വർണം ഒളിച്ചുകടത്താനായിരുന്നു ശ്രമം. മിശ്രിതരൂപത്തിലാക്കിയായിരുന്നു സ്വർണം ഒളിപ്പിച്ചിരുന്നത്. അസി. കമീഷണർ നിഥിൻലാൽ, സൂപ്രണ്ടുമാരായ സി. ഗോകുൽദാസ്, കെ.വി. രാജേഷ്, ഇൻസ്പെക്ടർമാരായ രാഹുൽ, അഭിനവ്, നീൽകമൽ എന്നിവരടങ്ങിയ സംഘമാണ് സ്വർണം പിടിച്ചത്.