തീരദേശത്ത് 28 വീടുകൾക്ക് അനുമതി

മലപ്പുറം: തീരദേശത്ത് പുതിയ 28 വീടുകൾ നിർമിക്കാൻ ജില്ല കലക്ടർ അമിത് മീണ അധ്യക്ഷനായ തീരദേശ പരിപാലന അതോറിറ്റി അനുമതി നൽകി. 40 അപേക്ഷകളാണ് ജില്ലതല അതോറിറ്റിക്ക് ലഭിച്ചത്. വ്യക്തതയില്ലാത്ത നാല് അപേക്ഷകളിൽ വിശദീകരണം ആവശ്യപ്പെട്ടിട്ടുണ്ട്. ബാക്കിയുള്ളവ തള്ളി. നേരത്തെ സംസ്ഥാനതല സമിതിയായിരുന്നു അനുമതി നൽകിയിരുന്നത്. അപേക്ഷകൾ കുന്നുകൂടി കിടക്കുന്ന അവസ്ഥയുണ്ടായതോടെ വീട് നിർമാണത്തിനുള്ള അനുമതി നൽകാൻ ജില്ലതല അതോറിറ്റിക്ക് അധികാരം നൽകുകയായിരുന്നു.