ക്വാറി, എം.സാൻഡ്​​ യൂനിറ്റിന് അനുമതി നൽകരുത്​

ശാന്തപുരം: മേൽക്കുളങ്ങരയിൽ പുതുതായി തുടങ്ങുന്ന ക്വാറി-എം.സാൻഡ് യൂനിറ്റിന് അനുമതി നൽകരുതെന്ന് വെൽഫെയർ പാർട്ടി വെട്ടത്തൂർ പഞ്ചായത്ത് കമ്മിറ്റി ആവശ്യപ്പെട്ടു. പെരിന്തൽമണ്ണ മണ്ഡലം പ്രസിഡൻറ് എം.ഇ. ശുക്കൂർ ഉദ്ഘാടനം ചെയ്തു. വെട്ടത്തൂർ പഞ്ചായത്ത് കമ്മിറ്റി പ്രസിഡൻറ് ഇ.കെ. റഷീദ് ആധ്യക്ഷത വഹിച്ചു. അസ്ലം കല്ലടി പ്രമേയം അവതരിപ്പിച്ചു. എ. അത്തീഖ്, എൻ.ടി. ശരീഫ്, ഹരീഷ് ബാബു, അലി അസ്കർ മേൽക്കുളങ്ങര, ശരീഫ് മടതൊടി, സൽമ പള്ളിക്കുത്ത്, കെ.പി. മനാഫ്, എം. നജാത്തുല്ല എന്നിവർ സംസാരിച്ചു. വാഹനാപകടത്തിൽ പരിക്ക് പെരിന്തൽമണ്ണ: കോഡൂരിൽ ബൈക്കിടിച്ച് കോഡൂർ കൊന്നോല നജ്മുദ്ദീ​െൻറ മകൻ ദിലൂഫ് (അഞ്ച്), അങ്ങാടിപ്പുറത്ത് ബൈക്കിടിച്ച് പെരിന്തൽമണ്ണ ആലങ്ങാടൻ മുഹമ്മദ് അർഷാദ് (21), കണ്ണൂർ കൂറ്റമ്പാറ അഷ്റഫ് മൻസിലിൽ റിഫായി (43), കൊപ്പത്ത് ബൈക്കും ലോറിയും കൂട്ടിമുട്ടി അങ്ങാടിപ്പുറം പന്തലക്കോടത്ത് മനയിൽ സുദേവ് (19) എന്നിവരെ പരിക്കുകളോടെ മൗലാന ആശുപത്രിയിൽ പ്രവേശിപ്പിച്ചു.