Begin typing your search above and press return to search.
exit_to_app
exit_to_app
Posted On
date_range 25 April 2018 5:41 AM GMT Updated On
date_range 25 April 2018 5:41 AM GMTകോട്ടക്കലിൽ നാലരക്കിലോ കഞ്ചാവുമായി ബംഗാളികൾ പിടിയിൽ
text_fieldsbookmark_border
കോട്ടക്കൽ: പഞ്ചിമബംഗാൾ സ്വദേശികളായ യുവതിയടക്കം രണ്ടംഗസംഘം 4.4 കിലോ കഞ്ചാവുമായി കോട്ടക്കലിൽ പിടിയിൽ. ബർദ്മാൻ കത്വ സ്വദേശികളായ ബോല (25), ഫിറൂജ (37) എന്നിവരെയാണ് എസ്.ഐ റിയാസ് ചാക്കീരി അറസ്റ്റ് ചെയ്തത്. രഹസ്യവിവരത്തെ തുടർന്ന് നടത്തിയ പരിശോധനയിൽ കോട്ടക്കൽ ബസ്സ്റ്റാൻഡിനു പിറകിലെ സ്വകാര്യ മാളിനു സമീപത്തുനിന്നാണ് ഇവരെ പിടികൂടിയത്. ബിഗ് ഷോപ്പറിനുള്ളിൽ ഒളിപ്പിച്ച നിലയിലായിരുന്നു കഞ്ചാവ്. യുവതിയായതിനാൽ പരിശോധന ഉണ്ടാകില്ലെന്ന ഉറപ്പിൽ ഫിറൂജയാണ് ട്രെയിൻ മാർഗം കഞ്ചാവെത്തിച്ചിരുന്നത്. ബോലയാണ് ചില്ലറ വിൽപന നടത്തിയിരുന്നത്. സൂപ്പി ബസാറിനു സമീപം കുടുംബത്തോടൊപ്പമാണ് യുവതിയുടെ താമസം. നിർമാണ തൊഴിലാളിയായ ഭർത്താവിന് ഇവരുടെ കഞ്ചാവ് വിൽപനയും ഇടപാടുകളും അറിയില്ലായിരുന്നുവെന്ന് പൊലീസ് പറഞ്ഞു. ആദ്യമായാണ് കഞ്ചാവെത്തിക്കുന്നതെന്നാണ് യുവതി മൊഴി നൽകിയിരിക്കുന്നത്. എന്നാൽ, കൂടുതൽ ഇടപാടുകൾ നടന്നിട്ടുണ്ടോയെന്ന അന്വേഷണത്തിലാണ് പൊലീസ്. എ.എസ്.ഐ അജിത് പ്രസാദ്, സി.പി.ഒമാരായ ശരത് നാഥ്, സജീഷ്, മണിരാജ്, ഷൈലജ എന്നിവരടങ്ങുന്ന സംഘമാണ് പരിശോധന നടത്തിയത്. ഇരുവരേയും ബുധനാഴ്ച കോടതിയിൽ ഹാജരാക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story