പ്രതിഷേധ കൂട്ടായ്മ സംഘടിപ്പിച്ചു

പട്ടാമ്പി: കഠ്വ, ഉന്നാവ്, ഗുജറാത്ത്, ഹരിയാന പീഡനങ്ങൾക്കും രാജ്യത്ത് വർധിച്ചുവരുന്ന തീവ്രവാദത്തിനുമെതിരെ ജനാധിപത്യ മഹിള അസോസിയേഷൻ പട്ടാമ്പി ഏരിയ കമ്മിറ്റിയുടെ നേതൃത്വത്തിൽ . പട്ടാമ്പി കെ.എസ്.ആർ.ടി.സി ബസ് സ്റ്റാൻഡിൽ നിന്നാരംഭിച്ച പ്രകടനത്തിൽ സ്ത്രീകളും കുട്ടികളും ഉൾപ്പെടെ നിരവധിപേർ പങ്കെടുത്തു. തുടർന്നുനടന്ന പ്രതിഷേധ കൂട്ടായ്മ മഹിള അസോസിയേഷൻ സംസ്ഥാന കമ്മിറ്റി അംഗം സോഫിയ മെഹർ ഉദ്ഘാടനം ചെയ്തു. അസോ. സംസ്ഥാന വൈസ് പ്രസിഡൻറ് സുബൈദ ഇസ്ഹാഖ് അധ്യക്ഷത വഹിച്ചു. സി.പി.എം ജില്ല കമ്മിറ്റി അംഗം എൻ. ഉണ്ണികൃഷ്ണൻ, ഏരിയ സെക്രട്ടറി എൻ.പി. വിനയകുമാർ, ചിത്രകാരി ദുർഗ മാലതി, പ്രഫ. സി.പി. ചിത്ര എന്നിവർ സംസാരിച്ചു. അസോ. ഏരിയ പ്രസിഡൻറ് പി.എം. ഉഷ സ്വാഗതവും ഏരിയ സെക്രട്ടറി ഇ.ഡി. ശ്രീജ നന്ദിയും പറഞ്ഞു.