ദലിത് സംയുക്ത സമിതി യോഗം

പട്ടാമ്പി: കേരള ദലിത് സംയുക്ത സമിതിയുടെ താലൂക്ക് സംഘാടക സമിതി യോഗം ചേർന്നു. ഏപ്രിൽ 26ന് പട്ടാമ്പി താലൂക്ക് ഓഫിസിനു മുന്നിൽ വിവിധ ദലിത് സംഘടനകളുടെ നേതൃത്വത്തിൽ ഉപവാസ സമരം സംഘടിപ്പിക്കാൻ തീരുമാനിച്ചു. സംസ്ഥാനത്ത് ദലിതരുടെ നേർക്ക് നടക്കുന്ന അതിക്രമങ്ങളിൽ പ്രതിഷേധിച്ചും അതിക്രമങ്ങളിൽ ശക്തമായ നടപടി സ്വീകരിക്കണമെന്നും ആവശ്യപ്പെട്ടാണ് ഉപവാസ സമരം സംഘടിപ്പിക്കുന്നതെന്ന് കേരള ദലിത് സംയുക്ത സമിതി ജില്ല കൺവീനർ ചോലയിൽ വേലായുധൻ അറിയിച്ചു. സംയുക്ത സമിതി ജില്ല ഭാരവാഹികളായി കെ. അച്യുതൻ (ചെയർ.), ചോലയിൽ വേലായുധൻ (കൺ.) എന്നിവരെ തെരഞ്ഞെടുത്തു.