പ്രധാനമന്ത്രി നടപ്പാക്കുന്നത്​ സംഘ്​പരിവാര്‍ അജണ്ട ^ഉമ്മന്‍ ചാണ്ടി

പ്രധാനമന്ത്രി നടപ്പാക്കുന്നത് സംഘ്പരിവാര്‍ അജണ്ട -ഉമ്മന്‍ ചാണ്ടി വേങ്ങര: സംഘ്പരിവാര്‍ അജണ്ടയാണ് പ്രധാനമന്ത്രി നരേന്ദ്രമോദി നടപ്പാക്കുന്നതെന്ന് മുൻ മുഖ്യമന്ത്രി ഉമ്മന്‍ ചാണ്ടി. മൂന്നര വര്‍ഷത്തെ കേന്ദ്രഭരണംകൊണ്ട് രാജ്യം കടുത്ത പ്രതിസന്ധിയിലേക്കാണ് നീങ്ങുന്നത്. വിലക്കയറ്റം ക്രമാതീതമായതായി അദ്ദേഹം കുറ്റപ്പെടുത്തി. വേങ്ങരയില്‍ സംയുക്ത തൊഴിലാളി സംഗമവും മാര്‍ച്ചും ഉദ്ഘാടനം ചെയ്യുകയായിരുന്നു അദ്ദേഹം. പി.കെ. കുഞ്ഞാലിക്കുട്ടി എം.പി അധ്യക്ഷത വഹിച്ചു. ഡി.സി.സി പ്രസിഡൻറ് വി.വി. പ്രകാശ്, എൻ.എ. കരീം, കെ.പി.എ. മജീദ്, അഡ്വ. ഹരിപ്രിയ, ഉബൈദുല്ല എം.എൽ.എ, അഡ്വ. എം. റഹ്മത്തുല്ല, ഇ.കെ. കുഞ്ഞാലി എന്നിവര്‍ സംസാരിച്ചു.