എൻ.എസ്.എസ് രജത ജൂബിലി ദിനം

പുലാമന്തോൾ: ഗവ. ഹയർ സെക്കൻഡറി സ്കൂൾ നാഷനൽ സർവിസ് സ്കീമി​െൻറ 25ാം വാർഷികദിനം വിവിധ പരിപാടികളോടെ ആഘോഷിച്ചു. എൻ.എസ്.എസ് ദത്ത് ഗ്രാമത്തിൽ പുഴക്കടവിലേക്കുള്ള വഴി വെട്ടിവൃത്തിയാക്കിയായിരുന്നു രജത ജൂബിലി ആഘോഷങ്ങൾക്ക് തുടക്കം. തുടർന്ന് സ്കൂൾ കാമ്പസ് ശുചീകരണം നടത്തി. എല്ലാ അധ്യാപക-വിദ്യാർഥികൾക്കും മധുരം വിതരണം ചെയ്തു. ആഘോഷ പരിപാടികൾ പ്രിൻസിപ്പൽ ടി.എസ്. ജയ ഉദ്ഘാടനം ചെയ്തു. രജത ജൂബിലി വർഷത്തിൽ നടപ്പാക്കാൻ വളൻറിയർമാർ തയാറാക്കിയ 12 പദ്ധതി രേഖകൾ ടീം ലീഡർ ഫെബിൻ പ്രിൻസിപ്പലിന് സമർപ്പിച്ചു. അധ്യാപകരായ ശ്രീദേവി, ഗോപകുമാർ, മുഹമ്മദലി എന്നിവർ സംസാരിച്ചു. പ്രോഗ്രാം ഓഫിസർ ടി.പി. ശിവദാസ്, വിദ്യാർഥി ലീഡർമാരായ ലബീബ, മിഥുൻ, സ്നേഹാഞ്ജലി, ഗോപിക എന്നിവർ നേതൃത്വം നൽകി. ( പുലാമന്തോൾ ജി.എച്ച്.എസ്.എസിലെ എൻ.എസ്.എസ് രജത ജൂബിലി ആഘോഷങ്ങളുടെ ഭാഗമായി കുന്തിപ്പുഴ കടവിലേക്കുള്ള വഴി വെട്ടിവൃത്തിയാക്കുന്നു