സ്കൂളിലേക്കുള്ള വഴിയിൽ മാലിന്യം തള്ളുന്നെന്ന്

എരമംഗലം: എരമംഗലം ടൗണിനോട് ചേർന്ന് പ്രവർത്തിക്കുന്ന എരമംഗലം എ. എൽ.പി സ്കൂളിലേക്കുള്ള വഴിയിൽ മാലിന്യം തള്ളുന്നതായി വിദ്യാർഥികളും രക്ഷിതാക്കളും. എരമംഗലം അങ്ങാടിയിൽ പൊതു ശൗചാലയമില്ലാത്തതിനാൽ ഇവിടെയെത്തുന്നവർ മൂത്ര വിസർജനം നടത്തുന്നത് സ്കൂളിലേക്കുള്ള ഈ വഴിയിലാണ്. ഇതുമൂലം ഉണ്ടാകുന്ന അസ്സഹനീയ ദുർഗന്ധം വിദ്യാർഥികൾക്ക് പ്രയാസമുണ്ടാക്കുന്നു. പൊതുജനങ്ങൾ ഇടപെട്ട് പ്രശ്നത്തിന് പരിഹാരം കാണണമെന്നും രക്ഷിതാക്കളും അധ്യാപകരും ആവശ്യപ്പെട്ടു.