സീസണിലെ ആദ്യ ടൂർണമെൻറിൽതന്നെ കപ്പടിച്ച് തിരൂർ സാറ്റ്

സീസണിലെ ആദ്യ ടൂർണമ​െൻറിൽതന്നെ കപ്പടിച്ച് തിരൂർ സാറ്റ് തിരൂർ: പ്രഫഷനൽ ഫുട്ബാൾ രംഗത്തെ പുതിയ ഉദയമായ തിരൂർ സ്പോർട്സ് അക്കാദമിക്ക് (സാറ്റ് തിരൂർ) ഈ സീസ‍ണിലെ ആദ്യ ടൂർണമ​െൻറിൽതന്നെ കിരീടം. ഒഡിഷയിലെ ചത്തബേഡയിൽ നടന്ന എസ്.എസ്. സാഹ അഖിലേന്ത്യ ചാമ്പ്യൻസ് ഫുട്ബാൾ േട്രാഫിയാണ് നേടിയത്. ഫൈനലിൽ എതിരില്ലാത്ത ഒരു ഗോളിന് ബർക്കാർ എഫ്.സി കട്ടക്കിനെ കീഴ്പ്പെടുത്തി. വിജയഗോൾ നേടിയ ഫസലുറഹ്മാൻ ടൂർണമ​െൻറിലെ മികച്ച കളിക്കാരനുമായി. മുൻകേരള പരിശീലകൻ പീതാംബരന് കീഴിലാണ് സാറ്റ് ബൂട്ടണിഞ്ഞത്. ഒക്ടോബറിൽ മുംബൈയിൽ നടക്കുന്ന ടൂർണമ​െൻറിലും പങ്കെടുക്കുന്നുണ്ട്. ടീം ശനിയാഴ്ച തിരൂരിൽ തിരിച്ചെത്തും. വൈകീട്ട് നാലിന് തിരൂർ റെയിൽവേ സ്റ്റേഷനിൽ സ്വീകരണം ഒരുക്കിയിട്ടുണ്ട്. കഴിഞ്ഞ സീസണിൽ കേരള പ്രീമിയർ ലീഗിൽ സെമിഫൈനൽ വരെ സാറ്റ് കളിച്ചിരുന്നു. Tir L1 football: എസ്.എസ്. സാഹ അഖിലേന്ത്യ ചാമ്പ്യൻസ് ഫുട്ബാൾ േട്രാഫി ജേതാക്കളായ തിരൂർ സാറ്റ് ടീം