കാളികാവിൽ 4.58 ലക്ഷത്തി​െൻറ കുഴൽപണം പിടികൂടി

കാളികാവ്: 4.58 ലക്ഷത്തി​െൻറ കുഴൽപണം പിടികൂടി. ചൊവ്വാഴ്ച ഉച്ചയോടെ വണ്ടൂർ-കാളികാവ് റോഡിലെ പള്ളിശ്ശേരിയിൽ സ്കൂട്ടറിൽ കടത്തുകയായിരുന്ന പണമാണ് കാളികാവ് പൊലീസ് പിടിച്ചെടുത്തത്. സംഭവവുമായി ബന്ധപ്പെട്ട് മങ്കട കോഴിക്കോട്ട് പറമ്പ് സ്വദേശി അച്ചിങ്ങൻ അനസിനെ (24) പൊലീസ് അറസ്റ്റ് ചെയ്തു. വാഹന പരിശോധനക്കിടെയാണ് സ്കൂട്ടറി​െൻറ ടാങ്ക് കവറിൽ സൂക്ഷിച്ച പണം പിടിച്ചെടുത്തത്. പ്രതിയെ ബുധനാഴ്ച മഞ്ചേരി കോടതിയിൽ ഹാജരാക്കും. കാളികാവ് എസ്.ഐ വി.എസ്. പ്രമോദ് കുമാർ, സി.പി.ഒമാരായ ജയേഷ്, സതീശൻ, മോഹനൻ എന്നിവർ അറസ്റ്റിന് നേതൃത്വം നൽകി. photo പ്രതി അനസ്