രാജേഷ് തിരുവാലിയുടെ നിര്യാണത്തില്‍ അനുശോചിച്ചു

ഊർങ്ങാട്ടിരി: മൂര്‍ക്കനാട് സുബുലുസ്സലാം ഹയര്‍ സെക്കൻഡറി സ്കൂളിലെ മലയാള അധ്യാപകനും പരിസ്ഥിതി പ്രവര്‍ത്തകനും എഴുത്തുകാരനും ചിത്രകാരനുമായിരുന്ന രാജേഷ് തിരുവാലിയുടെ നിര്യാണത്തില്‍ അധ്യാപകരും വിദ്യാര്‍ഥികളും അനുശോചിച്ചു. സാബു പി. ജോസഫ് അനുശോചന സന്ദേശം അവതരിപ്പിച്ചു. ഹൈസ്കൂൾ പ്രധാനാധ്യാപകൻ ജി.എസ്. ലിജിൻ അധ്യക്ഷത വഹിച്ചു. ഹയര്‍ സെക്കൻഡറി പ്രിന്‍സിപ്പൽ കെ. സവാദ്, അധ്യാപകരായ ഷിജോ ജോര്‍ജ്, ലിസിമോള്‍ ജോസഫ്, മന്‍സൂറലി, കെ. ശശികുമാര്‍, കെ. മുജീബ് റഹ്മാന്‍, കെ. ഹബീബ് റഹ്മാന്‍, കെ.ബി. വിജു, ഒ. ഹാമിദലി, കെ. നൂറുല്‍ അമീന്‍, വിദ്യാർഥികളായ സെനിന്‍ അഹമ്മദ്, ഫാത്തിമ റിയ, അന്‍സില്‍ എന്നിവർ സംസാരിച്ചു.