മിസിൽസ്, റൂബെല്ല പ്രതിരോധ കുത്തിവെപ്പ്

പുതുപൊന്നാനി: മീസിൽസ്, റുബെല്ല പ്രതിരോധ കുത്തിവെപ്പ് കൗൺസിലർ മഞ്ചേരി ഇഖ്ബാൽ മകൾക്ക് നൽകി ഉദ്ഘാടനം ചെയ്തു. കുപ്രചാരണം മൂലം ജനങ്ങൾ എം.ആർ കുത്തിവെപ്പിൽ നിന്നും പിന്നോട്ടു വലിയുന്നതാണ് ഇഖ്ബാൽ മകൾക്ക് കുത്തിവെപ്പ് നൽകി ഉദ്ഘാടനം ചെയ്യാൻ കാരണം. 11,500 കുട്ടികൾക്കാണ് കുത്തിവെപ്പ് നൽകേണ്ടത്. ഇപ്പോൾ 6300ഓളം കുട്ടികൾക്ക് കുത്തിവെപ്പ് നൽകി. നൂറു ശതമാനം കുത്തിവെപ്പ് എടുത്ത സ്കൂളുകളെ പൊന്നാനി നഗരസഭ ചെയർമാൻ മൊമ‍​െൻറാ നൽകി അഭിനന്ദിച്ചു. പി.എച്ച്.സി മെഡിക്കൽ ഓഫിസർ ഡോ. പി. ശബീർ, ഹെൽത്ത് ഇൻസ്പെക്ടർ ജഗതീഷ്, ജൂനിയർ ഹെൽത്ത് ഇൻസ്പെക്ടർമാരായ ജിഷി, ജോഷി, ഗംഗാധരൻ, റോണി, വാർഡ് കൗൺസിലർ ഷീന സുദേശൻ, പ്രധാനാധ്യാപിക സൗദാമിനി എം.എം.എൽ.പി കറുകത്തിരുത്തി തുടങ്ങിയവർ സംസാരിച്ചു. സതി, സുഭദ്ര, ഷെറിൻ, ബിന്ദു മോൾ, റോസമ്മ തുടങ്ങിയവർ നേതൃത്വം നൽകി.