ഗൃഹനാഥ‍െൻറ കൊലപാതകം: അയൽവാസി അറസ്​റ്റിൽ

ആലത്തൂർ: അയൽവാസിയുമായി വഴക്കിനിടെ കൊല്ലപ്പെട്ട ബദറുദ്ദീ‍​െൻറ (53) മരണകാരണം അടിയും ചവിട്ടുമേറ്റതാണെന്ന് പോസ്റ്റ്മോർട്ടം റിപ്പോർട്ട്. പഴമ്പാലക്കോട് സ്വദേശി റാഷിദിനെ (24) അറസ്റ്റ് ചെയ്തു. ആലത്തൂർ സി.ഐ എലിസബത്താണ് പ്രതിയെ അറസ്റ്റ് ചെയ്തത്. ശനിയാഴ്ച വൈകീട്ടായിരുന്നു സംഭവം. മകളുമായുള്ള ബന്ധത്തെച്ചൊല്ലി ഇരുവരും വഴക്കിട്ടിരുന്നു. വഴക്കിനിടെ റാഷിദി​െൻറ മർദനമേറ്റ് കുഴഞ്ഞുവീണ ബദറുദ്ദീനെ ആശുപത്രിയിലെത്തിച്ചെങ്കിലും രക്ഷിക്കാനായില്ല. എ.എസ്.ഐ അബ്ദുറഹ്മാൻ, സീനിയർ സി.പി.ഒ രാമസ്വാമി, സി.പി.ഒമാരായ കൃഷ്ണദാസ്, പ്രദീപ് എന്നിവരാണ് കേസന്വേഷിച്ചത്. പ്രതിയെ തിങ്കളാഴ്ച കോടതിയിൽ ഹാജരാക്കും.