സമസ്​ത കൈത്താങ്ങ് പദ്ധതി: ഫണ്ട് സമാഹരണം 10ന്

തേഞ്ഞിപ്പലം: സമസ്ത കൈത്താങ്ങ് പദ്ധതി ഫണ്ട് സമാഹരണം നവംബർ 10ന് നടത്താൻ മേഖല കോഓഡിനേറ്റർമാരുടെയും ജംഇയ്യതുൽ മുഅല്ലിമീൻ ജില്ല സെക്രട്ടറിമാരുടെയും യോഗം തീരുമാനിച്ചു. മഹല്ലുകളും മദ്റസകളും കേന്ദ്രീകരിച്ചാണ് ഫണ്ട് സമാഹരിക്കുക. നവംബർ അഞ്ചിനകം റേഞ്ചുതല കൺവെൻഷനുകൾ പൂർത്തിയാക്കും. യോഗത്തിൽ മാനേജർ കെ. മോയിൻകുട്ടി മാസ്റ്റർ അധ്യക്ഷത വഹിച്ചു. എം.എം. ഇമ്പിച്ചിക്കോയ മുസ്ലിയാർ, കെ.കെ. ഇബ്രാഹീം മുസ്ലിയാർ, ഹാരിസ് ബാഖവി കംബ്ലക്കാട്, ടി.കെ. മുഹമ്മദ്കുട്ടി ഫൈസി, കെ. ഹംസക്കോയ, ഐ.എം. അബ്ദുറഹ്മാൻ, പി.കെ. അബ്ദുൽഖാദിർ അൽഖാസിമി തുടങ്ങിയവർ സംസാരിച്ചു.