'മതരഹിത സമൂഹത്തിനുവേണ്ടി മതവിശ്വാസികളുടെ സഹകരണം തേടുന്നത് മൗഢ്യം'

മലപ്പുറം: മതരഹിത സമൂഹത്തെ സൃഷ്ടിക്കാൻ മതസ്ഥാപനങ്ങളുടെയും സംഘങ്ങളുടെയും സഹായവും സഹകരണവും കമ്യൂണിസ്റ്റുകളും യുക്തിവാദികളും ആവശ്യപ്പെടുന്നതും പ്രതീക്ഷിക്കുന്നതും യുക്തിരഹിതവും മൗഢ്യവുമാണെന്ന് സമസ്ത കേരള ജംഇയ്യതുൽ ഖുതുബാഅ് ജില്ല കമ്മിറ്റി അഭിപ്രായപ്പെട്ടു. പ്രസിഡൻറ് ഇ.കെ. കുഞ്ഞമ്മദ് മുസ്ലിയാർ, ഹംസ റഹ്മാനി കൊണ്ടിപറമ്പ്, കെ.സി. മുഹമ്മദ് ബാഖവി, ഫഖ്റുദ്ദീൻ തങ്ങൾ കണ്ണന്തളി, അലി ഫൈസി കൊടുമുടി, സി. യൂസുഫ് ഫൈസി മേൽമുറി, എം.ടി. അബൂബക്കർ ദാരിമി, സി.എച്ച്. ശരീഫ് ഹുദവി, കെ.പി. അബ്ദുറഹ്മാൻ ദാരിമി എന്നിവർ സംബന്ധിച്ചു.