അമരമ്പലത്ത് മീസില്‍സ്, -റുബെല്ല കുത്തിവെപ്പും ബോധവത്കരണ ക്ലാസും

പൂക്കാട്ടുംപാടം: അമരമ്പലം പ്രാഥമികാരോഗ്യകേന്ദ്രത്തിനു കീഴിലെ സ്കൂളുകള്‍ കേന്ദ്രീകരിച്ച് മീസില്‍സ്, റുബെല്ല കുത്തിവെപ്പും ബോധവത്കരണ ക്ലാസുകളും സംഘടിപ്പിച്ചു. തേൾപ്പാറ എന്‍.എ.എ.എം.എ.എല്‍.പി സ്‌കൂള്‍, കവളമുക്കട്ട ഗവ. എല്‍.പി സ്കൂള്‍ എന്നിവിടങ്ങളിലാണ് രക്ഷിതാക്കള്‍ക്ക് ക്ലാസുകള്‍ സംഘടിപ്പിച്ചത്. തേള്‍പ്പാറ സ്കൂളില്‍ നടന്ന ക്ലാസില്‍ ഹെല്‍ത്ത് ഇന്‍സ്പെക്ടര്‍ രാജീവ്, ജെ.എച്ച്.ഐ കെ.സി. പ്രേമൻ എന്നിവര്‍ ക്ലാസെടുത്തു. പി.ടി.എ പ്രസിഡൻറ് മനോജ് തേള്‍പ്പാറ അധ്യക്ഷത വഹിച്ചു. ജെ.പി.എച്ച്.എന്‍ എന്‍.പി. ഷീജ, അധ്യാപകരായ ഗീത ആൻറണി, സി. നോബി എന്നിവര്‍ സംസാരിച്ചു. കവളമുക്കട്ട സ്കൂളില്‍ നടന്ന ചടങ്ങില്‍ പി.ടി.എ പ്രസിഡൻറ് അബ്ദുറസാഖ് അധ്യക്ഷത വഹിച്ചു. ഹെല്‍ത്ത് ഇന്‍സ്പെക്ടര്‍ രാജീവ് മുഖ്യപ്രഭാഷണം നടത്തി. പ്രധാനാധ്യാപിക വി.ഡി. മല്ലിക, പി.ടി.എ ഭാരവാഹികളായ സുനില്‍ ബാബു, അസൈനാര്‍, പി.കെ. ശൈലജ ടീച്ചര്‍ എന്നിവര്‍ സംസാരിച്ചു. അധ്യാപകരായ സുരേഖ, സിന്ധു, സജിത എന്നിവര്‍ നേതൃത്വം നല്‍കി. ചൊവ്വാഴ്ച കുട്ടികള്‍ക്ക് കുത്തിവെപ്പ് നടത്തും. ചേലോട് ശാസ്ത്രിയാര്‍ യു.പി സ്കൂള്‍, പറമ്പ ഗവ. യു.പി സ്കൂള്‍ എന്നിവിടങ്ങളില്‍ നടന്ന കുത്തിവെപ്പിന് അമരമ്പലം പ്രാഥമികാരോഗ്യകേന്ദ്രം മെഡിക്കല്‍ ഓഫിസര്‍ ഡോ. പര്‍വീന്‍, ആരോഗ്യവകുപ്പ് ജീവനക്കാരായ അജു വി. നായര്‍, വി.ബി. ലത, ഹസീന, ശോഭന, ബിയൂട്ടി, രുഗ്മിണി, എന്‍.പി. ഷീബ, അശ്വതി, സോണി, വിജി ജോണ്‍ തുടങ്ങിയവര്‍ നേതൃത്വം നല്‍കി. 700ലേറെ കുട്ടികള്‍ക്ക് കുത്തിവെപ്പ് നല്‍കി. ഫോട്ടോ ppm1 തേൾപ്പാറ എന്‍.എ.എ.എം.എ.എല്‍.പി സ്‌കൂളിൽ ഹെല്‍ത്ത് ഇന്‍സ്പെക്ടര്‍ രാജീവ് ബോധവത്കരണ ക്ലാസെടുക്കുന്നു