വള്ളത്തോൾ സ്മാരക ജലോത്സവം: ചുള്ളിക്കാടൻ ജലരാജാവ്

പുറത്തൂർ: പടിയത്ത് കുഞ്ഞിമോൻ ഹാജി റോളിങ് ട്രോഫിക്ക് വേണ്ടിയുള്ള മഹാകവി വള്ളത്തോൾ സ്മാരക ജലോത്സവത്തിൽ കടവനാട് സ്റ്റാർ ക്ലബി​െൻറ ചുള്ളിക്കാടനും മൈനർ വിഭാഗത്തിൽ ചാവക്കാട്‌ പാടൂർ യുവജന കലാസമിതിയുടെ പൊഞ്ഞനത്തമ്മയും ജലരാജാക്കന്മാരായി. മേജർ വിഭാഗത്തിൽ പടിഞ്ഞാറക്കര നവജീവൻ ക്ലബി​െൻറ സാഗരറാണി രണ്ടും പുറങ്ങ് ഫിറ്റ്വെൽ സ്പോർട്സ് ക്ലബി​െൻറ കായൽകുതിര മൂന്നും സ്ഥാനം നേടി. മൈനർ വിഭാഗത്തിൽ പുറത്തൂർ യുവധാര കലാസാംസ്കാരിക വേദിയുടെ യുവധാരയും കാഞ്ഞിരമുക്ക് നവരശ്മി ക്ലബി​െൻറ സൂപ്പർ ജെറ്റും രണ്ടും മൂന്നും സ്ഥാനം നേടി. ജലോത്സവം മന്ത്രി കെ.ടി. ജലീൽ ഉദ്ഘാടനം ചെയ്തു. വി. അബ്ദുറഹ്മാൻ എം.എൽ.എ അധ്യക്ഷത വഹിച്ചു. വിജയികൾക്കുള്ള ട്രോഫിയും കാഷ് പ്രൈസും മന്ത്രി വിതരണം ചെയ്തു. തിരൂർ-പൊന്നാനി പുഴയിൽ നടന്ന മത്സരം കാണാൻ വൻ ജനാവലി എത്തിയിരുന്നു. ഫോട്ടോ: Tir ML1, Tir ML2 വള്ളത്തോൾ സ്മാരക ജലോത്സവത്തിൽ കടവനാടി​െൻറ ചുള്ളിക്കാടൻ മേജർ വിഭാഗത്തിൽ ഒന്നാംസ്ഥാനം നേടുന്നു