വീട്ടിൽ മോഷണം; ഏഴുപവൻ സ്വർണാഭരണം നഷ്​ടപ്പെട്ടു

തിരൂരങ്ങാടി: വീട്ടിൽനിന്ന് യുവതിയുടെ ഏഴു പവൻ സ്വർണാഭരണം മോഷ്ടിച്ചു. എ.ആർ. നഗർ ഇരുമ്പുചോലയിലെ ചെമ്പകത്ത് മുനീറി‍​െൻറ വീട്ടിലാണ് മോഷണം നടന്നത്. വെള്ളിയാഴ്ച പുലർച്ചെ രണ്ടു മണിയോടെയാണ് സംഭവം. മുനീറി‍​െൻറ ഭാര്യ ഖൈറുന്നിസയുടെ കഴുത്തിൽനിന്ന് നാലു പവ‍​െൻറ മാലയും കാലിലണിഞ്ഞ മൂന്നു പവ‍​െൻറ പാദസരവുമാണ് നഷ്ടപ്പെട്ടത്. പുറത്തു വെച്ചിരുന്ന കോണി കൊണ്ടുവന്ന് സൺഷെയ്ഡിലൂടെ മുകളിലത്തെ നിലയിൽ കയറിയ മോഷ്ടാവ് ജനലിൽ ദ്വാരമുണ്ടാക്കി അതിലൂടെ കൈകടത്തി തൊട്ടടുത്ത വാതിൽ തുറക്കുകയായിരുന്നെന്ന് പൊലീസ് പറഞ്ഞു. മലപ്പുറത്തുനിന്ന് വിരലടയാള വിദഗ്ധരും ഡോഗ് സ്‌ക്വാഡും സ്ഥലത്തെത്തി പരിശോധന നടത്തി.