'ബിവറേജസ് ഒൗട്ട്​ലെറ്റ് തീയിടൽ: മുഴുവന്‍ പ്രതികളെയും അറസ്​റ്റ്​ ചെയ്യണം'

എടക്കര: ബിവറേജസ് ഒൗട്ട്ലെറ്റിനെതിരായ സമരത്തിന്‍െറ മറവില്‍ തീവെച്ച് ലക്ഷക്കണക്കിന് രൂപയുടെ നഷ്ടം വരുത്തുക വഴി ജനകീയ സമരത്തെ അട്ടിമറിക്കാന്‍ ശ്രമിച്ച മുഴുവന്‍ പ്രതികളെയും ഉടന്‍ അറസ്റ്റ് ചെയ്യണമെന്ന് സി.പി.എം എടക്കര ലോക്കല്‍ കമ്മിറ്റി ആവശ്യപ്പെട്ടു. സമരത്തിന് തുരങ്കംവെക്കുന്ന നിലപാടാണ് ബി.ജെ.പി സ്വീകരിക്കുന്നത്. ബി.ജെ.പിയുടെ ഗ്രാമപഞ്ചായത്തംഗം ഉള്‍പ്പെടെ ചിലര്‍ ഒളിവിലാണ്. ബി.ജെ.പി--ആര്‍.എസ്.എസ് പ്രവര്‍ത്തകരായ രണ്ടുപേര്‍ മാത്രമാണ് പിടിക്കപ്പെട്ടിട്ടുള്ളത്. വന്‍ ഗൂഢാലോചന സംഭവത്തിന് പിന്നിലുണ്ടെന്നും സി.പി.എം വാര്‍ത്താകുറിപ്പിലൂടെ ആരോപിച്ചു. ജനങ്ങള്‍ക്കൊപ്പം നിലകൊണ്ട് സാധ്യമായ രീതിയില്‍ നിയമപോരാട്ടങ്ങള്‍ക്ക് നേതൃത്വം നല്‍കുമെന്നും ഭാരവാഹികള്‍ അറിയിച്ചു.