യു.ഡി.എഫ് പ്രകടനം നടത്തി

പാലക്കാട്: ഹർത്താൽ വിജയിപ്പിച്ച ജനത്തിന് നന്ദി പ്രകടിപ്പിച്ചും സർക്കാറിനെ താക്കീത് ചെയ്തും യു.ഡി.എഫ് പാലക്കാട് നിയോജക മണ്ഡലം കമ്മിറ്റി ടൗണിൽ പ്രകടനം നടത്തി. സ്റ്റേഡിയം സ്റ്റാൻഡിൽ നടന്ന പ്രതിഷേധ യോഗം യു.ഡി.എഫ് ജില്ല ചെയർമാൻ എ. രാമസ്വാമി ഉദ്ഘാടനം ചെയ്തു. നിയോജക മണ്ഡലം ചെയർമാൻ പി. ബാലഗോപാൽ അധ്യക്ഷത വഹിച്ചു. മുസ്ലിം ലീഗ് മുനിസിപ്പൽ കമ്മിറ്റി പ്രസിഡൻറ് എം. കാജാഹുസൈൻ, കെ.പി.സി.സി സെക്രട്ടറി സി. ചന്ദ്രൻ, യു.ഡി.എഫ് നേതാക്കളായ എ. ബാലൻ, ഷബീറലി, പി.കെ. ഹസമുത്ത, പി.എ. നാസർ, പുത്തൂർ രാമകൃഷ്ണൻ, സി. ബാലൻ, പി.ആർ. പ്രസാദ് തുടങ്ങിയവർ സംസാരിച്ചു.