ക്ലാസ്മുറിയിൽനിന്ന് വയലിലേക്ക്

കോട്ടക്കൽ: ക്ലാസ്മുറിയിൽനിന്ന് അറിവുതേടി വിദ്യാർഥികൾ വയലിലിറങ്ങി. കോട്ടൂർ എ.കെ.എം ഹയർ സെക്കൻഡറി സ്കൂള്‍ ഹരിതസേന വിദ്യാർഥികളാണ് കോട്ടക്കൽ കുറ്റിപ്പുറത്ത് കാവ് ക്ഷേത്ര മുൻവശത്തെ വയലിൽ ചോലക്കാട്ട് നാരായണ‍​െൻറ കൃഷിയിടത്ത് ആധുനിക രീതിയിലുള്ള ഞാർ നടീൽ പരിചയപ്പെടാനെത്തിയത്. നഗരസഭ ചെയർമാൻ കെ.കെ. നാസറി‍​െൻറയും പി.ടി.എ പ്രസിഡൻറ് ജുനൈദ് പരവക്കലി‍​െൻറയും സാന്നിധ്യത്തിൽ വിദ്യാർഥികൾ ആധുനിക നടീൽ യന്ത്രത്തി‍​െൻറ പ്രവർത്തനം ഏറ്റെടുത്ത് വയലിൽ കൃഷി ചെയ്തു. പഴയ കൃഷിരീതികളെ കുറിച്ചും വിവിധ ഇനം നെല്ലുകളെ കുറിച്ചും ചോലക്കാട് നാരായണൻ കുട്ടികൾക്ക് വിവരിച്ചുകൊടുത്തു. ടി.ജെ. ജയദേവന്‍, വിദ്യാർഥികളായ കെ. മഹി അരുണ്‍, ടി.ജെ. സിദ്ധാർഥ്, എം. തൗഫീഖ്, വി. മഹിജിത്ത്, അധ്യാപകരായ പ്രദീപ്‌ വഴെങ്കര, കെ. ജൗഹർ, കെ.വി. ഫവാസ്, എൻ.കെ. ഫൈസൽ, കെ. നികേഷ്, പി. ഫൈറൂസ്, വി. സജ്ജാദ് എന്നിവര്‍ നേതൃത്വം നല്‍കി. കോട്ടൂർ എ.കെ.എം ഹയർ സെക്കൻഡറി വിദ്യാർഥികൾ പാടത്തിറങ്ങിയപ്പോൾ